JUVAK SUMMER 2022

Jugendvakanzenaktivitéiten fir Jugendlecher tëschent 12 an 18 Joer

Léif Jugendlech,

léif Eltere vu Jugendlechen, léif alleguer,

nodeems d’Pandemie eis an de leschten zwee Joer leider ee Stréch duerch d’Rechnung gemaach huet, si mir frou, datt mir elo d’Geleeënheet hunn dir de Summerprogramm fir d’Jugend ze relancéieren.

Dofir soe mir eise Partnergemengen e grousse Merci fir déi flott Zesummenaarbecht an dësem Projet.

Wéi dir op der Websäit gesitt, bidden d‘Jugendhaiser Déifferdeng, Dippech, Käerjeng a Suessem der Jugend  ofwiesslungsräich Aktivitéiten an de Beräicher Sport, Kultur an Entdecken un.

Zesumme mat de Jonken ass ee super Programm fir  d’Summervakanz ausgeschafft ginn. Ugebuede ginn ënner anerem: Alpaka Trekking, Screenprinting, Fitness, Visite Mudam, a villes méi. Kommt gären an äert Jugendhaus laanscht, fir iech den detailléierte Programm mat den Aktivitéiten erklären ze loossen. Wann dir interesséiert sidd matzemaachen, dann hutt dir folgend Méiglechkeete fir iech unzemellen: direkt an ärem Jugendhaus oder iwwert den Internet-Site juvak.lu.

Zu gudder Lescht nach ee ganz grousse Merci un alleguer d’Jugendaarbechter:innen, an natierlech un déi Jonk, déi matgehollef hunn dëse flotte Programm opzestellen. An alleguerten deenen déi matmaachen, wënschen ech ganz vill Spaass!

D’ Jugendhaiser an Zesummenaarbecht mat de Gemengen Déifferdeng, Dippech, Käerjeng,  a Suessem proposéieren dir e flotten a villsäitegen Aktivitéitsprogramm wärend der Summerrvakanz 2022.

GEMENGEN